स्रोतहरू खुलाइएका बाहेक खुल्ला पाना डट कम द्वारा प्रकाशित सम्पूर्ण सामग्रीहरू खुल्ला पाना डट कमका सम्पत्ति हुन् । यसमा प्रकाशित कुनै पनि सामग्रीहरू छापा, विद्युतीय, प्रसारण वा अन्य कुनै पनि माध्यमबाट पुनःप्रकाशन वा प्रसारण गर्नुअघि अनुमति लिनुहुन अनुरोध छ ।
खुल्ला पाना
२०७८ कार्तिक २४, बुधबार (३ साल अघि)
२४ कात्तिक , इचोक ।
सिन्धुपाल्चोकको हेलम्बु गाँउपालिका इचोकबाट काठमाडौ जाँदै गरेको बा ४ ख ५८१५नम्बरको बस दुर्घटना हुँदा १ जनाको मृत्यु भएको छ। अन्य ५ जना घाइते भएका छन् ।
मृत्यु हुनेमा हेलम्बु गाँउपालिका ३, पाल्चोककी ५५ वर्षीया पासाङ तामाङ रहेकी जिल्ला प्रहरी कार्यालय , सिन्धुपाल्चोकका नायव प्रहरी उपरीक्षक दक्षकुमार बस्नेतले बताए ।
घटनामा अन्य ५ जना घाइते भएका छन् । हेलम्बु ६ का अर्जुन तामाङ , पासाङ दोर्जे तामाङ , साजन तामाङ, जङ्बु तामाङ र हेलम्बु ७ को आयुष पण्डित घाइते भएका हुन् ।
घाइतेहरूलाई थप उपचारको लागि धुलिखेल अस्पताल पठाइएको प्रहरी चौकि हेलम्बुका सहायक निरिक्षक सुनिल थापाले बताए ।
उकालोमा गाडि उक्लन नसकी ब्याक भएपछि यात्रुहर बसबाट हाम फालेका थिए । हाम फाल्ने क्रममा केही घाइते र मृत्युु समेत भएको प्रहरीले जनाएको छ । उनिहरु कसैलाई पनि बसले भने नच्यापेको प्रहरीको प्रारम्भिक आँकलन रहेको छ ।
बसका चालक प्रहरी नियन्त्रणमा रहेका छन् । बसमा ३२ जना यात्रु सवार थिए ।
0
