हेलम्बुमा आगोले जलेर तीन बालकको मृत्यु

६ मंसिर , हेलम्बु ।

सिन्धुपाल्चोककाे हेलम्बु गाउँपालिका ७ सुर्सिङमा आगलागी हुँदा एकै घरका दुई दाजुभाईसहित तीन जनाकाे मृत्यु भएकाे छ ।

गाेठमा भण्डार गरिराखेकाे मकैकाे ढाेड र सुकेकाे नल सल्किँदा आगलागी भएकाे जिल्ला प्रहरी कार्यालय सिन्धुपाल्चोकले जनाएकाे छ । जिल्ला प्रहरी प्रमुख एसपी राजन अधिकारीले घरमा अभिभावक काेही नहुँदा लागेकाे आगाे ननिभाउन नसक्दा मानवीय क्षति हुन पुगेकाे बताए । साेमबार साँझ गाउँमा स्थानीय सञ्चै तामाङकाे एक तले घर नजिकै रहेकाे गाेठमा आगलागी भएकाे हाे ।

गाेठमा लाईटर रहेकाे र साे लाईटर खेलाउँदा आगलागी भएकाे अनुमान गरिएकाे उनले बताए । मृत्यु हुनेमा सन्च तामाङको छोरा बर्ष ६ को मनोज तामाङ, सुकुमान तामाङको छोरा बर्ष ५ को मनिस तामाङ र साईला तमाङ को छोरा बर्ष ५ को दिल ब.तामाङ रहेको प्रहरीले जनाएको छ ।