रक्तचन्दनको तेलसहित भोटेकोसीका शेर्पा पक्राउ

१४ मंसिर, काठमाडौं ।

प्रतिबन्धित रक्तचन्दनको तेलसहित काठमाडौंको महाँकालबाट सिन्धुपाल्चोकका एक युवा पक्राउ परेका छन् । प्रहरीले रक्तचन्दनको तेल सहित सिन्धुपाल्चोकको भोटेकोसी गाउँपालिका-६ हिम्दी घर भएका ३० वर्षीय छिरिङ शेर्पालाई पक्राउ गरेको हो ।

बा.७ च ४११० नम्बरको कारमा सवार छिरिङको साथबाट ४ लिटर रक्तचन्दनको तेल बरामद गरिएको महानगरीय प्रहरी परिसर काठमाडौंका प्रवक्ता प्रहरी उपरीक्षक दिनेशराज मैनालीले जानकारी दिए ।