लामा सहमहामन्त्री, बस्नेत सदस्यको उम्मेदवार

२५ मंसिर, चौतारा ।
नेपाली काँग्रेसको जारी १४ओैं महाधिवेशनमा सिन्धुपाल्चोकका दुई हस्तिहरु सहमहामन्त्री र सदस्यमा उम्मेदवार भएका छन् ।

सिन्धुपाल्चोकमा संस्थापन इतर प्यानलको नेतृत्व गरिरहेका जिल्ला सभापति विकास लामा डा. शेखर कोइराला प्यानलबाट जनजाति तर्फको सहमहामन्त्री पदमा उम्मेदवार भएका छन् । यसअघि उनको जनजाति तर्फकै सदस्य पदमा उम्मेदवारी दिने चर्चा थियो ।

निवर्तमान केन्द्रीय सदस्य एवम् सिन्धुपाल्चोकमा संस्थापन समुहको नेतृत्व गरिरहेका मोहनबहादुर बस्नेत भने केन्द्रीय सदस्य पदमा उम्मेदवारी दर्ता गराएका छन् । यसअघि सहमहामन्त्री पदमा उम्मेदवारी दिने घोषणा गरेको भएपनि देउवा प्यानलमा सो पदमा किशोरसिं राठौर उठ्ने भएपछि उनी पछाडि हटेका हुन् ।