नौ किलोमा बोलेरो दुर्घटना

८ माघ, खाडीचौर ।
सिन्धुपाल्चोकको सुनकोसी गाँउपालिका ६, नौ किलोमा बोलेरो गाडी दुर्घटना हुँदा ४ जना घाइते भएका छन् ।

भक्तपुरबाट दोलखाको मैनापोखरी जाँदै गरेको बा १५ च ८५७७ नम्बरको बोलेरो अनियन्त्रित भइ सडकबाट करिब १०० मिटर तल खसेको जिल्ला ट्राफिक प्रहरी कार्यालय , खाडीचौरले जनाएको छ ।

घाइतेमध्ये ३ जनाको अवस्था सामान्य रहेको छ भने १ जनाको ढाडमा चोट लागेको प्रहरीले जनाएको छ ।

घाइतेहरूको उपचारको लागि सिन्धु सदाबहार अस्पताल , खाडीचौरमा लगिएको छ ।