खसी चोर पक्राउ

अर्काको खसी चोरेर बेच्न हिडेका एक किशोर पक्राउ परेका छन् ।

सिन्धुपाल्चोक चौतारा साँगाचोकगढी नगरपालिका १ का १९ वर्षका कैलाश नेपाली तीनवटा खसी सहित पक्राउ परेका हुन् ।

गत बैशाख १० गते राती चौतारा साँगाचोकगढी नगरपालिका वडा नं २ मा रहेको सहन लाल श्रेष्ठ र रेशम कुमार सिलवालको गोठबाट २/२ वटा गरि ४ वटा खसी चोरी भएको भएको थियो ।

नेपालीलाई तीनवटा खसी डोहोर्याउदै हिडेको अवस्थामा ११ गते साँझ चौतारा साँगाचोकगढी नगरपालिका वडा नं. ९ बाट पक्राउ गरिएको जिल्ला प्रहरी कार्यालय , चौताराका प्रहरी नायब उपरीक्षक दक्षकुमार बस्नेतले बताए । नेपालीलाई जिल्ला अदालतबाट दिन ७ को म्याद थप गरि अनुसन्धान भइरहेको छ ।