एम्बुलेन्स घरभित्र छिर्दा सुतिरहेकी वृद्धाको मृत्यु

सिन्धुपाल्चोकको सुनकोसी गाउँपालिका २, दुई किलोमा एम्बुलेन्स दुर्घटना हुँदा १ जना वृद्धाको मृत्यु भएको छ ।

बुधबार राति खाडिचौर जिरी सडकखण्ड अन्तर्गत दुईकिलो नजिकै बा २० च ६३२७ नम्बरको एम्बुलेन्स दुर्घटना भएको हो। अनियन्त्रित भइ सडकबाट एम्बुलेन्स खसेर घरमा सुतिरहेकी ८९ वर्षीया मनमाया खड्काको निधन भएको जिल्ला प्रहरी कार्यालय , सिन्धुपाल्चोकका प्रहरी नायव उपरीक्षक दक्षकुमार बस्नेतले बताए ।

एम्बुलेन्स घरभित्र छिरेपछि घाइते भएकी खड्काको उपचारका लागि अस्पताल लाने क्रममा मृत्युु भएको बस्नेतले जानकारी दिए।

उनका अनुसार एम्बुलेन्स सडकबाट दुई मिटर तल झरेको थियो।