स्रोतहरू खुलाइएका बाहेक खुल्ला पाना डट कम द्वारा प्रकाशित सम्पूर्ण सामग्रीहरू खुल्ला पाना डट कमका सम्पत्ति हुन् । यसमा प्रकाशित कुनै पनि सामग्रीहरू छापा, विद्युतीय, प्रसारण वा अन्य कुनै पनि माध्यमबाट पुनःप्रकाशन वा प्रसारण गर्नुअघि अनुमति लिनुहुन अनुरोध छ ।
खुल्ला पाना
२०७९ माघ ११, बुधबार (१० महिना अघि)
सरकारले सामाजिक सुरक्षा बैंक मार्फत वितरण गर्ने निर्णय गरेसँगै घरमै आइपुग्ने भत्ता लिन बैकसम्म धाउनुपर्ने बाध्यता चौतारा साँगाचोकगढी नगरपालिका १० ले चिरेको छ । वडा कार्यालयले लाभग्राहीको घरमै पुगेर सामाजिक सुरक्षा भत्ता सहित न्यानो कपडा समेत वितरण गरेको हो ।
सो वडामा ३ सय ३४ जना सामाजिक सुरक्षा भत्ता लाभग्राही रहेको वडाध्यक्ष निरबहादुर तामाङले बताए । सिन्धु विकास बैंकका कर्मचारी र सुरक्षाकर्मी सहित घरदैलोमा आएर स्वास्थ्य परिक्षण सहित भत्ता प्राप्त गरेका लाभग्राहीहरुले वडालाइ धन्यवाद दिए ।
वडा कार्यालयबाट विनियोजन २ लाख रुपैयाँमा आफ्नो तलबभत्ताको २ लाख थप गरेर वडाध्यक्ष तामाङले सबै लाभग्राहीलाइ न्यानो कपडा समेत प्रदान गरेका हुन् । सो कार्यको प्रारम्भ भने सिन्धुपाल्चोक प्रतिनिधिसभा २ का साँसद मोहनबहादुर बस्नेतले गरेका हुन् ।
भत्ता तथा न्यानो कपडा वितरण गर्दै साँसद बस्नेतले वडाध्यक्षले आफुले चुनावमा गरेको वाचा पूरा गरेको र अरु स्थानिय तहले पनि यसबाट पाठ सिकेर सामाजिक सुरक्षा भत्ता घरघरमै पुगेर वितरण गर्नुपर्ने बताए ।
0
