पाँचखालमा टिपरको ठक्करबाट हेलम्बुका तामाङको मृत्यु

काभ्रेपलाञ्चोकको पाँचखाल नगरपालिका–४, लामीडाँडामा टिपरले मोटरसाइकललाई ठक्कर दिँदा सिन्धुपाल्चोकको हेलम्बु गाउँपालीका -७ का २० बर्षिय गौतम तामाङको मृत्यु भएको छ । घटनामा हेलम्बु ७ कै १९ बर्षका साङ्गी तामाङ घाइते भएका छन् ।

मोटरसाइकल चालक गौतमकोउपचारका क्रममा धुलिखेल अस्पतालमा आज बिहान पौने १० बजे मृत्यु भएको प्रहरीले जनाएको छ ।

काभ्रेकै जिरो किलोबाट पाँचखालतर्फ आउँदै गरेको बा५ख ३४९४ नम्बरको टिपरले विपरीत दिशाबाट जाँदै गरेको बा८५प ९०१७ नम्बरको मोटरसाइकलाई आज बिहान करिब ९ बजे ठक्कर दिएको थियो । ती दुवै सवारीसाधन र टिपर चालकलाई नियन्त्रणमा लिइएको जिल्ला प्रहरी कार्यालय काभ्रेले जनाएको छ ।