ओखलढुंगाको बस सिन्धुलीमा दुर्घटना, ६ जनाको मृत्यु

ओखलढुंगाकाे रुम्जाटारबाट काठमाण्डौ आउँदै गरेको बस सिन्धुलीमा दुर्घटना हुदा ६ जनाको मृत्यु भएको छ । सिन्धुलीको फिक्कल गाउँपालिका–४ कुईभिरमा बा २ ख ६५९६ नम्बरको बस दुर्घटना हुँदा उनिहरुक‍ो घटनास्थलमै मृत्यु भएकाे हो ।

मृत्यु हुनेमा ३ महिला ३ पुरुष रहेका छन् । दुर्घटनामा २९ जना घाईते भएकाे जिल्ला प्रहरी कार्यालय सिन्धुलीले जनाएकाे छ । बस सडकबाट भित्ताकाे पहराेमा ठोक्किएकाे छ । घाईतेहरुकाे उपचारका लागि घुर्मी र खुर्काेट पठाईदै छ । घाईते मध्य ५ जना गम्भिर रहेकाे बताईएकाे छ । मृतककाे सनाखत भईनसकेकाे र घटनाकाे बाँकी विवरण आउने क्रममा रहेकाे प्रहरी कार्यालय सिन्धुलीले जनाएकाे छ ।