पाचँपोखरीमा भिरबाट लडेर एक महिलाको मृत्यु

सिन्धुपाल्चोकको पाँचपोखरी थाङ्पाल गाउँपालिका ६ ढाँडखर्ककी एक महिलाको भिर बाट लडेर मृत्यु भएको छ । स्थानीय ५० बर्षिय कान्छि तामाङको सोमबार मामाघरबाट घर फर्कन्छु भनि हिडेको र बेलुका सम्म पनि घर नआइपुगेपछि खोजि गर्दा मंगलबार ढाडखर्क भन्ने स्थानमा भिरको गोरेटो बाटो बाट अन्दाजि १५ मिटर तल लडी घोप्टो अबस्थामा मृत फेला परेको मृतकका श्रीमान राजकुमार तामाङले बताए ।

तामाङलाई अचेत अवस्थामा फेला परेपछि स्थानियले प्रहरीलाई खबर गरेका थिए । अहिले शवलाई घटना मुचुल्का बनाई पोष्टमाटमका लागि मेलम्ची नगर अस्पताल ल्याइएको इलाका प्रहरी कार्यालय मेलम्चीका प्रहरी निरिक्षक नवराज सापकोटाले बताए । घटनाबारे थप अनुसन्धान भइरहेको प्रहरीले जनाएको छ ।