मेलम्ची नदि उच्च जोखीममा, नाघ्यो खतराको तह

मेलम्ची नदिले खतराको तह पनि नाघेको छ । जल तथा मौसम विज्ञान विभागको तथ्यांकअनुसार मेलम्ची नदिको नाकोतेमा राखिएको जलसतह मापन केन्दमा नदिले खतराको तह समेत नाघेको हो ।

विभागका अनुसार नाकोतेको मेलम्ची नदिको सचेतना तह ४ दशमलव ५ मिटर हो भने खतराको तह ५ दशमलव ५ मिटर हो ।

तर २४ घण्टा भन्दा लामो समयदेखिको निरन्तर वर्षाको कारण सो स्थानको दिउँसो ३:५० बजेको नदिको तह ५ दशमलव ६६३ मिटर पुगेको छ । जुन खतराको तह भन्दा ०दशमलव १६३ मिटर बढी हो ।

मेलम्ची नदि किनार आसपासका बासिन्दालाई सुरक्षीत रहन खुल्लापाना आग्रह गर्दछ ।