स्रोतहरू खुलाइएका बाहेक खुल्ला पाना डट कम द्वारा प्रकाशित सम्पूर्ण सामग्रीहरू खुल्ला पाना डट कमका सम्पत्ति हुन् । यसमा प्रकाशित कुनै पनि सामग्रीहरू छापा, विद्युतीय, प्रसारण वा अन्य कुनै पनि माध्यमबाट पुनःप्रकाशन वा प्रसारण गर्नुअघि अनुमति लिनुहुन अनुरोध छ ।
खुल्ला पाना
२०७७ माघ ७, बुधबार (३ साल अघि)
काठमाण्डौं, ७ माघ ।
सिन्धुपाल्चोकको जुगल गाँउपालिका अध्यक्ष एवम् गाँउपालिका राष्ट्रिय महासँघका अध्यक्ष होमनारायण श्रेष्ठका भाइ उपेन्द्र श्रेष्ठ सहित दर्जनौं युवा नेकपा परित्याग गरि राष्ट्रिय प्रजातन्त्र पार्टीमा प्रवेश गरेका छन् ।
सिन्धुपाल्चोक जिल्लाको जुगल गाँउपालिका—४, पाङताङका १५ जना नेकपाबाट र जुगल—६, हगामका २० जना युवा नेपाली काँग्रेसबाट बुधबार राप्रपामा प्रवेश गरेका हुन् । पाङ्ताङबाट अध्यक्ष होम नारायण श्रेष्ठको भाइ उपेन्द्र श्रेष्ठका सहित अमृत श्रेष्ठ, भत्त श्रेष्ठ, जीवन श्रेष्ठ, रमन तामाङ, सन्चलाल तामाङ लगायत १५ जना नेकपा परित्याग गरि राप्रपामा प्रवेश गरेका हुन् । त्यस्तै हगामबाट अनिल श्रेष्ठ, सबिन श्रेष्ठ, रिदम श्रेष्ठ, अर्जुन श्रेष्ठ, कृष्ण श्रेष्ठ, छेसाङ श्रेष्ठ, सानुकान्छा श्रेष्ठ, रमन तामाङ, सन्चलाल तामाङ, सुमन तामाङ, नवीन भारती लगायत २० जना नेपाली काङ्ग्रेस परित्याग गरि राप्रपामा प्रवेश गरेका हुन् ।
नवप्रवेशीहरुलाई राप्रपाका अध्यक्ष पशुपती समशेर राणाले टीका र खादा लगाएर स्वागत गरेका थिए । आफुहरु अन्य पार्टीमा लागेर अहिलेसम्म गल्ती गरेको अनुभुती भएकोले राप्रपामा प्रवेश गरेको र अब राप्रपाको नीति र सिद्धान्त अनुसार पार्टी संगठन मजबुत बनाउन लागी पर्ने प्रवेशीहरुले बताएका छन् ।
0
