चौतारामा जलाइयो ओलीको पुत्ला

चौतारा, माघ २३ ।

अनेरास्ववियु सिन्धुपाल्चोककले वर्तमान सरकारका प्रधानमन्त्री केपि शर्मा ओलीको पुत्ला जलाएको छ । आज बिहानै सो समुहले चौताराको शहिद चोकमा ओलीको पुत्ला जलाएको हो ।

अनेरास्ववियूले नेतृत्व गरेको पुत्ला दहन कार्यक्रममा नेकपा सिन्धुपाल्चोकका अध्यक्ष झम्क नेपाल लगाएतका जिल्ला नेताहरुको उपस्थिति रहेको थियो ।

शंख फुकेर पुत्ला दहन गर्दै बिध्यार्थीहरुले सरकारले गरेको संवैधानिक अंगमा गरेको असंवैधानिक नियुक्ति खारेज गर, प्रतिनिधिसभा बिगटन मुर्दाबाद जस्ता नाराबाजी समेत गरेका थिए ।

गत पुष ५ गते प्रधानमन्त्री ओलीले गरेको प्रतिनिधिसभा बिघटनको बिरुद्ध नेकपाका प्रचण्ड नेपाल समुहका नेता कार्यकर्ताले बिभिन्न बिरोधका कार्यक्रम गर्दै आइरहेका छन् ।

सो समुहले बिहिवार मात्रै देशभर आमहडताल गरेको थियो ।