संविधानको पुर्ण अवमूल्यन भएको राणाको ठहर

८ जेठ, काठमाडौ ।

राष्ट्रपति र प्रधानमन्त्रीको साँठगाँठले संविधानको पुर्ण अवमूल्यन भएको राष्ट्रिय प्रजातन्त्र पार्टीका अध्यक्ष पशुपतिशमशेर जबराले बताएका छन् ।

मन्त्रीपरिषद्को सिफारिसमा राष्ट्रपतिले प्रतिनिधि सभा विघटन गर्दै चुनावको घोषण गरेपछि राणाले यस्तो प्रतिक्रिया दिएका हुन् । प्रजातन्त्रमा चुनाव अपरिहार्य अभ्यास भएपनि संविधानको धज्जी उडाएर, चुनावको नाममा महामारी र आर्थिक संकटबीच जनताको ज्यान चरम जोखिममा धकेल्नु बहुलठ्ठिपन मात्रै भएको राणाले बताएका छन् । कसैको कुर्सी जोगाउन नेपाली जनताको रोग, भोक, शोकमा आँखा चिम्लिनु अमानवीयताको पराकाष्ठा भएको राणाको ठहर छ ।

‘राष्ट्रपति र प्रधानमन्त्रीको साँठगाँठले संविधानको पूर्ण अवमूल्यन भएको छ।’ राप्रपा अध्यक्ष राणाले भने-‘ दलभन्दा माथि रहने राष्ट्रप्रमुख, निष्पक्ष अभिभावकको रुपमा शाहवंशीय राजसंस्थाको अपरिहार्यता पुनःपुष्टी गरेको छ।’ राणाले विश्वका सफल प्रजातान्त्रिक अभ्यास अनुकूल राजा सहितको प्रजातन्त्र अनुसरण गरेर गल्ती सच्याउनुको विकल्प नरहेको बताएका छन् ।