राप्रपा चौतारा नगर अध्यक्षमा ठकुरी निर्विरोध निर्वाचित

२१ भदौ , चौतारा ।
राष्ट्रिय प्रजातन्त्र पार्टीको चौतारा साँगाचोकगढि नगरपालिकाको अध्यक्ष पदमा शेरबहादुर ठकुरी निर्विरोध निर्वाचित भएका छन् । पार्टीको आज चौतारामा सम्पन्न नगर अधिवेशनबाट नगर समितिको अध्यक्ष पदमा ठकुरी निर्वाचित भएका हुन् ।

समितिको बरिस्ठ उपाध्यक्ष र उपाध्यक्ष पदमा भने राजकुमार कुँवर र मोहनकाजी कपाली निर्वाचित भएका छन् । त्यस्तै समितिको सचिव , सहसचिव र कोषाध्यक्षमा भने क्रमशः गुञ्जबहादुर तामाङ , तोकबहादुर तामाङ र सहदेव नेपाल निर्वाचीत भएको निवर्तमान नगर संयोजक जितबहादुर भारतीले बताए ।

राप्रपा केन्द्रीय निर्देशन समितिको सदस्य राजेन्द्र गुरुङको प्रमुख आतिथ्यतामा सञ्चालन भएको अधिवेशनले २९ सदस्यीय कार्यसमिति चयन गरेको हो । प्रमुख अतिथि गुरुङले सिन्धुपाल्चोक जिल्ला पहिलेदेखि नै राप्रपाको किल्ला भएकोमा विचमा केही समस्या आएको र अब पनि पार्टीको नेतृत्वले मेहनत गर्ने हो भने पुनः शक्तिशाली बनाउन सकिने धारणा राखे ।

समितिको सदस्यहरुमा भने निरज श्रेष्ठ , छेम्बो तामाङ , हरिबहादुर नेपाल, रामचन्द्र चुवान, क्षेत्रबहादुर दुलाल, संसार श्रेष्ठ , प्रेम गिरी, टुल्कु तामाङ , कृष्णबहादुर गिरी, पोकल गिरी, दिपेन्द्र थापा, जितबहादुर भारती , पुष्कर ढुङ्गेल, राधा गिरी चयन भएका छन् । त्यस्तै सन्तमान तामाङ , सरस्वती थापा, सुरथ घले, सतिलाल श्रेष्ठ , रमेशकुमार खड्का , त‍ोकबहादुर तामाङ , हिराप्रसाद नेपाल, टिकालक्ष्मी श्रेष्ठ र दिलिप विक समेत सदस्य पदमा निर्वाचित भएका छन् ।