कांग्रेस सिन्धुपाल्चोकको प्रदेशसभामा कुन पक्ष बलियो?

९ मंसिर, चौतारा ।
नेपाली काँग्रेसको आसन्न महाधिवेशन लक्षीत विभिन्न तहको अधिवेशनहरुमध्ये प्रदेश सभा निर्वाचना क्षेत्रहरुमा सिन्धुपाल्चोकमा संस्थापन पक्ष बलियो देखिएको छ । चारवटा प्रदेश सभा रहेको सिन्धुपाल्चोकमा चारवटै समितिको नेतृत्व संस्थापन पक्षको पोल्टामा परेको हो ।

प्रतिनिधिसभा अन्तर्गत २ वटा निर्वाचन क्षेत्र रहेको सिन्धुपाल्चोकमा बुधबार र विहीबार भएको चारवटै प्रदेशसभा अधिवेशनमा संस्थापन पक्षको वर्चस्व रहेको हो । कार्यसमितिका केही पदाधिकारी र प्रदेश प्रतिनिधिबाहेक अन्यमा संस्थापन पक्षले कब्जा जमाएको छ ।

प्रतिनिधिसभा १ को प्रदेश सभा क को अध्यक्षमा आङदोर्जे शेर्पा निर्वाचित भएका छन् । उनी संस्थापनइतरका कुमार श्रेष्ठलाई पराजित गर्दै विजयी भएका हुन् । प्रतिश्पर्धी श्रेष्ठलाई ५४ मतको विरुद्ध ४६४ मत ल्याई फराकिलो मतान्तरले शेर्पा विजयी भएका हुन् ।

उपसभापतिमा च्याङ्वा शेर्पा र टेक बहादुर गुभाजु, सचिवमा सुवेश थापा र सुरेन्द्र श्रेष्ठ, सह–सचिवमा उमेश विक र राजेन्द्र विक्रम थापा निर्वाचित भएका छन् ।

सो क्षेत्रको प्रदेशसभा प्रतिनिधिहरुमा घ्याम्छो लामा, रामेश्वर आचार्य, हरि बहादुर रायमाझी, राजकुमार तामाङ, सुरेन योन्जन, रमेश राउत, हेमन्त श्रेष्ठ, यादव श्रेष्ठ, रविन्द्र दर्नाल, जितबहादुर प्रधान, पासाङ लामा, बिना नेवार, पदम कुमारी श्रेष्ठ, चमेली श्रेष्ठ, दिपा लामा, सुनिता लामा, युवाखर सापकोटा निर्वाचित भएका छन् ।

यस्तै प्रतिनिधिसभा १ ख को अधिवेशनबाट देवेन्द्र खड्का निर्वाचित भएका छन् । उनले संस्थापनइतर पक्षका चन्द्र सिलवाललाई पराजित गरेका हुन् । यस्तै उपसभापतिमा समिर लामा र रविन्द्र खड्का, सचिवमा जयचन्द्र कुमार लामा र रितेश तामाङ, सह–सचिवमा रमेश कुमार श्रेष्ठ र सुरेश लामा निर्वाचित भएका छन् । प्रदेशसभा प्रतिनिधिमा थुप्तेन ग्याल्बो लामा, लालकाजी तामाङ, प्रमोद तामाङ, सगुन श्रेष्ठ, प्रेम बहादुर भण्डारी, शनत अधिकारी, अमृत प्रसाद अधिकारी, रमेश थापा, सरस्वती जिसि, जानुका खत्री, उमेश प्रधान, मिनप्रसाद दुलाल, कार्साङ डोमो शेर्पा, रोशनी श्रेष्ठ, ज्ञाने सुनुवार, उर्मिला भण्डारी निर्वाचित भएका छन् ।

प्रतिनिधिसभा २ प्रदेशसभा क मा केशवराज गिरी निर्वाचित भएका छन् । उनले देवप्रसाद बाँनियालाई ९ मतले पराजित गरेका हुन् । गिरीले २११ मत प्राप्त गरी विजयी भएका हुन् भने बाँनियाले २०२ मत प्राप्त गरी ९ मतले हार व्यहोेरे । त्यस्तै उपसभापतिमा ग्याल्बो तामाङ र बासुदेव लम्साल, सचिवमा भने छत्रलाल श्रेष्ठ र पुण्यप्रसाद भट्टराई विजयी भएका छन् । सह–सचिवमा पून्यप्रसाद घोरासैनी र सरोज न्यौपाने विजयी भएका छन् । सो क्षेत्रको प्रदेश प्रतिनिधिहरुमा सविना थापा, दयाकुमारी मिश्र, आयुषा खड्का, अनिल कुमार सापकोटा, दिवाकर नकर्मी, फुर्पा तामाङ, हेमबहादुर तामाङ, रामहरी न्यौपाने लगाएत निर्वाचित भएका छन् ।

प्रतिनिधिसभा २ प्रदेशसभा ख मा जितबहादुर तामाङ प्रदेशसभा सभापतिमा निर्वाचित भएका छन् । उनले सुनिलकुमार दोङलाई पराजित गरेका हुन् । जितबहादुरले २१५ मत ल्याँउदा ३ मा मात्रै कम २१२ मत ल्याएर सुनिलकुमार उपविजेता भएका हुन् ।

सोही क्षेत्रको उपसभापतिमा रवि थिगं र राजकुमार लामिछाने, सचिवमा आशिष खड्का र निराजन चौलागाई, सह–सचिवमा रामबाबु कोइराला र अच्युतराज लामिछाने निर्वाचित भएका छन् । प्रदेश प्रतिनिधिमा भने श्वेता चौलागाई, प्रकास सापकोटा, कान्छी शेर्पा, रञ्जेन लमीनी, पेम्बा शेर्पा, मनोज कुमार तामाङ, हरि विश्वकर्मा, पेम्बा लामा, पुर्नी तामाङ, मन्जु तामाङ, ल्वाकवुरी लामा, कुमार दुलाल, जिमी तामाङ, दिपेशराज खनाल, महेसदाश श्रेष्ठ, राजु गुरुङ, विष्णु खड्का र लेखनाथ लामा निर्वाचित भएका छन् ।