राप्रपा अध्यक्षमा लिङ्देन र थापाको उम्मेदवारी

१७ मंसिर , काठमाडौं ।
राष्ट्रिय प्रजातन्त्र पार्टीको महाधिवेशनमा अध्यक्ष पदको लागि राजेन्द्र लिङ्देन र कमल थापाले उम्मेदवारी दर्ता गराएका छन् ।

राप्रपाको एकता महाधिवेशनमा उनिहरुले अध्यक्ष पदको लागि उम्मेदवारी दिएको निर्वाचन समितिले जनाएको छ ।

लिङ्देन प्रतिनिधिसभामा राप्रपाको तर्फबाट प्रतिनिधित्व गर्ने एकमात्र साँसद हुन् । पार्टीको नेतृत्व नयाँ पुस्तामा जानुपर्ने भन्दै युवा पुस्ताले लिङ्लेनलाइ समर्थन गरिरहेका छन् ।

अर्का उम्मेदवार थापा निवर्तमान अध्यक्ष समेत हुन् । पार्टीलाई गतिशील बनाउन नसकेको , पदको लोभमा फसेको र पार्टीभित्र गुटबन्दी बढाएको लगाएतको आरोप थापाले खेपिरहेका छन् ।

पार्टीको भोलि बिहान ८ बजेदेखि विद्युतीय यन्त्रबाट राष्ट्रिय सभागृहमा मतदान हुदैछ । पार्टीका ४४ सय भन्दा धेरै मतदाताले निर्वाचनमा भाग लिनेछन् ।