राप्रपा युवाको पार्टी हो-पुष्कर ढुङ्गेल

१७ मंसिङ, काठमाडौं ।

बुढाखाडाको पार्टी भन्ने आरोप लागेको राष्ट्रिय प्रजातन्त्र पार्टी युवाको पार्टी भएको इन्जिनियर पुष्कर ढुङ्गेलले बताएका छन् ।

पार्टीको एकता महाधिवेशनमा केन्द्रीय सदस्य पदमा मनोनयन दर्ता गराएपछि ढुङ्गेलले राप्रपा युवाको आस्था र भरोसाको पार्टी भएको बताएका हुन् ।

‘ तथाकथित जनयुद्धमा मैले पिता समेत गुमाएको छु ‘ ढुङ्गेलले भने-‘ राप्रपा भएकै कारण मेरो बुबा शारदाप्रसादको हत्या गरिएको हो ।’  ढुङ्गेल उर्जा क्षेत्रमा राम्रो दख्खल राख्दछन् । पार्टीको कार्यसम्पादन समितिको सदस्य समेत रहेका ढुङ्गेल अबको पार्टीको नेतृत्वले युवापुस्ता समेटेर मजबुत पार्टी निर्माण गर्नुपर्ने बताउछन् ।