काँग्रेसमा शेखर र गगनको संस्थापन इतर प्यानल

२५ मंसिर , काठमाडौं ।
नेपाली कांग्रेसको १४ औं महाधिवेशन काठमाडौंको भृकुटीमण्डपमा जारी छ । अहिले नयाँ कार्यसमितिको चयनको लागि उम्मेदवारी दर्ता भइरहेको छ ।

बरिस्ठ नेता रामचन्द्र पौडेलले सभापति पदको लागि उम्मेदवारी नदिने भएपछि संस्थापन इतर समुहबाट सभापति पदमना डा. शेखर कोइराला र महामन्त्री पदमा गगन थापाले उम्मेदवारी दिने भएका छन् ।सोही समुहका प्रकाशमान सिंहले कुनै हालतमा नछाड्ने भएपछि संस्थापनइतर समूह विभाजित भएको हो ।

प्रकाशमानका कारण संस्थापनइतर समूहले साझा उम्मेदवार दिन नसकेको भन्दै शेखरलाई समर्थन गर्न पौडेल र शशांक कोइरालालाई निकट नेताहरुको दबाब छ ।

शेखर कोइरालाको टिमबाट अर्को महामन्त्रीमा विश्वप्रकाश शर्मासँग कुरा भइरहेको स्रोतले जनाएको छ । संस्थापन पक्षका शर्मालाई शेखरले महामन्त्री उम्मेदवार बनाउन लागेको बताइएको छ ।