ज्यान मार्ने आरोपितले गरे वारेसबाट उम्मेद्वारी दर्ता

सिन्धुपाल्चोकको प्रतिनिधि सभा १ को प्रदेश सभा क मा नेकपा एमालेबाट उम्मेदवार बनेका युद्ध विक्रम तामाङले वारेस मार्फत उम्मेदवारी दर्ता गराएका छन् ।

ज्यान मार्ने उद्योगमा जिल्ला अदालत सिन्धुपाल्चोकबाट पक्राउ पुर्जी जारी भएका डिबी लामाको नामले चिनिने तामाङले अधिवक्ता शशिनाथ आचार्य मार्फत वारेसबाट उम्मेदवारी दर्ता गराएका हुन् । आचार्य इन्द्रावती गाउँपालिका ६ का वडाध्यक्ष हुन् । उनलाई रोजिन बस्नेत सहित ६ जनाले जेठ २ गते इलाका प्रहरी कार्यालय, बाह्रविसेमा जाहेरी परेको थियो । असार ९ गते उनको मुद्धा अदालतमा गरिएको थियो । सो मुद्धा हाल जिल्ला अदालतमा विचाराधिन छ ।

उनलाई अदालतले पक्राउ पुर्जी जारी गरेका भएपनि दशैं विदाका कारण अदालत खुल्ला नभएकाले अदालतमा हाजिर हुन नपाएकोले आज वारेस मार्फत मनोनयन दर्ता गराएका हुन् । भोली अदालत खुलेपछि निज अदालतमा हाजीर हुने आचार्यले बताए ।