सिन्धुपाल्चोकका प्रतिनिधि र प्रदेश सभामा २४ र २६ जनाको उम्मेदवारी

मंसिर ४ गते हुन लागेको प्रदेश तथा प्रतिनिधिसभा निर्वाचनमा सिन्धुपाल्चोकको २ वटा प्रतिनिधि सभामा २४ जनाको उम्मेदवारी दर्ता भएको छ ।

विभिन्न दल र स्वतन्त्र समेत गरी प्रतिनिधि सभा क्षेत्र नं. १ मा १२ जना र प्रतिनिधि सभा क्षेत्र नं. २ मा १२ जनाको उम्मेदवारी दर्ता भएको हो ।

प्रदेश सभा तर्फ भने २६ जनाको उम्मेदवारी परेको जिल्ला निर्वाचन अधिकारी विकास रिजालले बताए । प्रदेश सभा सदस्य क्षेत्र नं. १ (क) मा ७ जना, प्रदेश सभा सदस्य क्षेत्र नं. १ (ख) मा ५ जना, प्रदेश सभा सदस्य क्षेत्र नं. २ (क) मा ६ जना र प्रदेश सभा सदस्य क्षेत्र नं. २ (ख) मा ८ जनाको उम्मेदवारी परेको हो ।