रास्पपा मेलम्ची नगर अध्यक्षमा गोकुल ढकाल निर्वाचित

राष्ट्रिय स्वतन्त्र पार्टीको मेलम्ची नगर सभापतिमा गोकुल ढकाल निर्वाचित भएका छन् । शनिवार मेलम्चीमा भएको नगर भेलाले ढकाललाई नगर सभापतिमा चयन गरेको हो ।

रास्वपा मेलम्ची नगर समितिको उपसभापतिमा रञ्जित थापा, सचिवमा भिमसेन थापा, कोषाध्यक्षमा शारदा दुलाल तथा सदस्यहरूमा राकेश श्रेष्ठ,खेमनाथ ढुंगाना, गोपिलाल तामाङ,गोकुल दंगाल, अर्जुन श्रेष्ठ, सजना श्रेष्ठ, राजकुमार चालिसे र प्रदिप तामाङ लाई चयन गरिएको पार्टीकी जिल्ला सभापति माया गुरुङले जानकारी दिइन् ।

सांसद प्रकाश परियारको प्रमुख आतिथ्यमा भएको कार्यक्रमले विभिन्न संगठनको विभाग समेत तोकेको छ । कार्यक्रममा केन्द्रिय सदस्य एवम् संगठन विभाग प्रमुख शंकर श्रेष्ठ, बागमती प्रदेश सभापति डाक्टर अचुतम लामिछाने, उपसभापति दिनेश हुमगाई, लगायत केन्द्र, प्रदेश र जिल्ला तहका नेता तथा कार्यकर्ताको उपस्थिति रहेको थियो । कार्यक्रममा प्रमुख अतिथि परियारले पार्टीको उदय,सरकारमा सहभागि हुनुको कारण, पार्टी कसरी आगामी कार्यदिशा लगायतका विषयमा सहभागिहरुलाई जानकारी गराएका थिए । उनले गाउँ, समाज र देशको लागि अहोरात्र लागिपर्नका लागि संगठनहरुलाई निर्देशन दिदैं आगामि दिनमा टोल टोलमा पार्टीको सङ्गठन विस्तार गर्न सिङ्गो नगरको टिम खटिने विश्वास ब्यक्त गरे ।