स्रोतहरू खुलाइएका बाहेक खुल्ला पाना डट कम द्वारा प्रकाशित सम्पूर्ण सामग्रीहरू खुल्ला पाना डट कमका सम्पत्ति हुन् । यसमा प्रकाशित कुनै पनि सामग्रीहरू छापा, विद्युतीय, प्रसारण वा अन्य कुनै पनि माध्यमबाट पुनःप्रकाशन वा प्रसारण गर्नुअघि अनुमति लिनुहुन अनुरोध छ ।
खुल्ला पाना
२०८० बैशाख ३, आईतबार (५ महिना अघि)
राष्ट्रिय स्वतन्त्र पार्टी (रास्वपा) ले वैदेशिक शाखा विस्तारको क्रममा बेलायत प्रवास विभाग गठन गरेको छ ।
बेलायतमा बस्ने नेपाली समर्थकहरुको जुम भेलाद्वारा रास्वपा प्रवास सम्पर्क विभाग बेलायत गठन गरिएको हो । बेलायतस्थित विभिन्न पेशा तथा व्यवसायमा आवद्ध नेपाली सहभागी अनलाइन भेलाले युवा सामाजिक अभियन्ता पवन शर्माको नेतृत्वमा प्रवास समिति गठन गरेको हो ।
आइतबार बिहान आयोजित पहिलो जुम भेलाले पवन शर्माको संयोजकत्वमा बनेको समितिको उपाध्यक्षमा कोशलेश्वर ढकाल, महासचिव मनोज न्यौपाने, सचिव यज्ञराज कार्की, कोषाध्यक्ष बाबु न्यौपाने र सहकोषाध्यक्षमा माया गुरुङ तथा सदस्यहरुमा शिव कंडेल, सौरभ ओझा, शिव भण्डारी, निलिमा खड्का र डा राजु सापकोटा चयन भएका छन् ।
सचिव यज्ञराज कार्की र बाबुराम न्यौपानेले सहजीकरण गरेको उक्त जुम भेलामा रास्वपाका उपशभापती तथा पुर्व श्रम मन्त्री डिपि अर्याल लगायत साँसदद्वय शिव नेपाली र सुमना श्रेष्ठले विशेष सम्बोधन गरेका थिए ।
प्रवास सम्पर्क विभाग बेलायतको घोषणासभा भने अप्रिल २३ तारिख आइतबार बेलायतको पिटरबरोमा एक औपचारिक सभाबीच गर्ने तयारी गरेको नवगठित बिभागका सचिव यज्ञराज कार्कीले बताए ।
0
