नेप्सेमा मध्यभोटेकोसीको शेयर सुचिकृत

८ पुस, काठमाडौं ।
सिन्धुपाल्चोक जिल्लामा निर्माणाधीन १०२ मेगावाट क्षमताको मध्य भोटेकोसी जलविद्युत् कम्पनी लिमिटेडको शेयर नेपाल स्टक एक्स्चेन्ज (नेप्से) मासूचीकृत भएको छ ।

बिहीबार नेप्सेमा कम्पनीले सर्वसाधारणलाई निष्काशन गरेको सहित ६ करोड कित्ता सेयर सूचीकृत भएको हो । आइतबार कारोबार खुल्दा सोही मूल्यका आधारमा खुल्नेछ ।

कम्पनीले सर्वसाधारणलाई निष्काशन गरेको ९० लाख कित्ता, आयोजना प्रभावित स्थानीयलाई निष्काशन गरेको ६० लाख कित्ता, सञ्चयकोषमा रकम जम्मा गर्ने सञ्चयकर्ताहरुलाई वितरण गरेको एक करोड १७ लाख, ऋणदाता संस्थाका कर्मचारीहरूलाई निष्काशन गरेको ६ लाख, संस्थापक सेयरधनी संस्थामा कर्मचारीहरुलाई वितरण गरेको २१ लाख र कम्पनीका संस्थापकहरुले लगानी गरेको तीन करोड छ लाख गरी छ करोड कित्ता सेयर नेप्सेमा सूचीकृत भएको हो ।

नेप्सेले कम्पनीको पहिलो कारोबारको लागि न्युनतम ९४ रुपैयाँ ३९ पैसा देखि २८३ रुपैयाँ १७ पैसा ओपनिङ रेन्ज प्रदान गरेको छ ।