मेलचौरमा मालिकादेवी कप फुटबल हुने

३० भदौ , चौतारा ।

मेलचौर युवा जागरण समाजको आयोजनामा मेलचौरको दरबारडाँडामा सेभेन ए साइड फुटबल प्रतियोगिता हुने भएको छ । विजया दशमी तथा शुभ दिपावलिको अवसर पारेर असोज २० गतेदेखि प्रथम मालिकादेवी कप फुटबल प्रतियोगिता हुन लागेको हो ।

चौतारा नगरपालिका स्तरीय सो प्रतियोगितामा प्रथम हुने टिमले ६० हजार रुपैयाँ पुरस्कार पाउनेछन् । त्यस्तै दोस्रो र तेस्रो हुनले क्रमशः ४० र २० हजार रुपैयाँ सहित ट्रफि मेडल र प्रमाणपत्र पाउनेछन् । प्रतियोगिता असोज २५ गते सम्पन्न हुने समाजका अध्यक्ष कृष्णबहादुर श्रेष्ठले बताए ।