स्रोतहरू खुलाइएका बाहेक खुल्ला पाना डट कम द्वारा प्रकाशित सम्पूर्ण सामग्रीहरू खुल्ला पाना डट कमका सम्पत्ति हुन् । यसमा प्रकाशित कुनै पनि सामग्रीहरू छापा, विद्युतीय, प्रसारण वा अन्य कुनै पनि माध्यमबाट पुनःप्रकाशन वा प्रसारण गर्नुअघि अनुमति लिनुहुन अनुरोध छ ।
खुल्ला पाना
२०७८ आश्विन २३, शनिबार (१ साल अघि)
२३ असोज , मेलचौर ।
मेलचौर युवा जागरण समाजको आयोजनामा सञ्चालन भइरहेको प्रथम मालिकादेवी कप, 7A साइड फुटबल प्रतियोगिताको सेमिफाइनल समीकरण पुरा भएको छ ।
भोली सेमिफाइन चरणका दुवै खेल सञ्चालन हुनेछन् । सेमिफाइनलको पहिलो खेल सुनौलो बिहानी अभियान र लिलफङ घले समाजविच बिहान ८:३० बजे हुनेछ भने दोस्रो खेल काभ्रे जुनियर बोइज र चौतारा साँगाचोकगढी वडा नम्बर ६, पिपलडाँडाविच दिउसो २:३० बजे सञ्चालन हुनेछ ।
क्वाटर फाइनलको पहिलो खेलमा काभ्रे जुनियर बोइज विजयी भएको थियो । काभ्रे जुनियर बोइज र मेलचौर युवा जागरण समाज B बिच निर्धारित समयमा १-१ को बराबरी भएको थियो । खेल ट्राइबेकरबाट पनि नतिजा आउन सकेन । ट्राइबेकरमा ३-३ को बराबरी हुदा सडेन डेथमा १-० ले काभ्रे जुनियर बोइज विजयी भएको छ । म्यान अफ दि म्याच काभ्रे जुनियर बोइजका गोल किपर सन्दिप लामा घोषित भए ।
त्यस्तै आजको दोस्रो खेलमा सुनौलो बिहानी अभियान मेलचौर युवा जागरण समाजलाई ३-१ गोल अन्तरले पराजित गर्दै सेमिफाइनल प्रवेश गरेको हो । सुनौलोको लागि मुस्कान श्रेष्ठले २ र प्रकाश खत्रीले १ गोल गरेका थिए । मेलचौरका लागि एक मात्र गोल दिवश दंगालले गरेका थिए । म्यान अफ दि म्याच सुनौलो बिहानी अभियानका मुस्कान श्रेष्ठ घोषित भए।
क्वाटरफाइनलको तेस्रो खेल चौतारा साँगाचोकगढी नगरपालिका वडा नम्बर ६ पिपलडाँडा र साँगाचोक युथ क्लवबिच सम्पन्न भएको थियो । निर्धारित समयमा दुबै पक्षबाट गोल हुन नसकेपछि ट्राइबेकरमा गएको खेलमा पुनः ३-३ को बराबरी हुदा खेलको नतिजा सडेन देथबाट चौतारा साँगाचोकगढीले आफ्नो पक्षमा पारेको थियो। म्यान अफ दि म्याच वडा नम्बर ६ का अनिष सापकोटा घोषित भए ।
अन्तिम क्वाटर फाइनल खेल भने लिलफङ घले समाज र जल्किने युथ क्लवबिच सम्पन्न भएको थियो । निर्धारित समयमा दुबै टोलीबाट गोल हुन नसक्दा खेल ट्राइबेकरमा गएको थियो । ट्राइबेकरमा लिलफङ घले समाज ४-३ गोल अन्तरले विजयी भएको थियो। म्यान अफ दि म्याच लिला फङ घले समाजका गोल रक्षक सुशान्त दुलाल घोषित भए।
0
