मैत्रीपूर्ण टेबुलटेनिसमा प्रहरीको वर्चस्व

८ पुस, चौतारा ।
कर्मचारी तथा बैंकर्स एवम् सुरक्षाकर्मी सहभागी मैत्रीपूर्ण टेबुलटेनिस प्रतियोगितामा नेपाल प्रहरिको वर्चस्व भएको छ । चौतारा साँगाचोकगढी नगर खेलकुद विकास समिति र चौतारा साँगाचोकगढी नगरपालिकाले आयोजना गरेको प्रतियोगिताकध महत्त्वपूर्ण स्थानहरुमा जिल्ला प्रहरी कार्यालय सिन्धुपाल्चोकका प्रहरीहरुले जित निकालेका हुन् ।

आज बिहान वनदेवी कभर्ड हल,चौतारामा आयोजित ” मैत्रीपूर्ण टेवुल टेनिस प्रतियोगिता-२०७८” मा श्री गोरखबक्स गण,जिल्ला प्रहरी कार्यालय सिन्धुपाल्चोक, आयोजक टिम,कर्मचारी मिलन केन्द्र र नगर भित्र रहेका बैंक वित्तिय संस्थाहरु सहभागी भएका थिए । सो प्रतियोगितामा सिंगल तर्फ प्रहरी उपरीक्षक राजन अधिकारी प्रथम भए भने प्रहरी नायव निरीक्षक अजित राज बस्नेत दोस्रो भए ।

डबल्स तर्फ पनि प्रहरीकै टिम प्रहरी उपरीक्षक राजन अधिकारी, प्रहरी नायव निरीक्षक अजित राज बस्नेत प्रथम हुँदा द्धितिय तर्फ प्रहरी हवल्दार दिनेश स्याङतान र प्रहरी जवान तारा वहादुर थामी को टिम दोस्रो भयो ।

उक्त प्रतियोगितामा खेलको उत्कृष्ट खेलाडी समेत प्रहरी उपरीक्षक अधिकारी घोषीत भए ।