मैत्रीपूर्ण फुटबलमा पत्रकार र शिक्षक तथा लायन्स क्लब भिड्ने

११ चैत, चौतारा ।

भोलि शनिबार हुन लागेको विभिन्न चार टिमबीच हुने मैत्रिपूर्ण फुटबल प्रतियोगितामा नेपाल पत्रकार महासंघ सिन्धुपाल्चोक शाखा र  टिचर्स ग्रुप इर्खुबिच प्रतिष्पर्धा हुने भएको छ । दोस्रो खेलमा भने लायन्स क्लब सिन्धु चौतारा सिटी र लायन्स क्लब अफ काठमाडौँ चौतारा सिटी बीच प्रतिष्पर्धा हुनेछ ।

लायन्स क्लब अफ काठमाडौं सिन्धु चौतारा सिटी र लायन्स क्लब अफ काठमाडौँ चौतारा सिटीद्वारा आयोजना गरेको मैत्रीपूर्ण फूटबल प्रतियोगिता शनिबार बिहान ७ बजे मेलचौरस्थित दरबार डाँडा खेलमैदान हुने आयोजक संस्था लायन्स क्लब अफ काठमाडौँ सिन्धु चौतारा सिटीका अध्यक्ष सन्देश श्रेष्ठले जानकारी दिए ।

प्रतियोगिताको पहिलो चरण सेमी फाइनलबाट विजय भएका दुई टोलीले फाइनल खेलमा पहिलो र दोस्रोका लागि प्रतिस्पर्धा गर्ने लायन्स क्लब सिन्धु चौतारा सिटीका डाइरेक्टर राकेश रानाले बताए । फाइनल खेल शनिबार दिनको ३ बजे हुने जनाइएको छ । विजेता टिमले ट्रफी र प्रमाण पत्र पाउने छ ।