हिराहरि तेक्वान्दो अन्तर डोजाङ प्रतियोगिता सम्पन्न

हिराहरि तेक्वान्दो डोजाङ चौताराद्वारा आयोजित प्रथम हिराहरि अन्तर डोजाङ क्योरोगी र पुम्से प्रतियोगिता चौतारा साँगाचोकगढी नगरपालिका ५ आहालडाडाको सेमिकबर्ड हलमा सम्पन्न भएको छ ।

१२ स्वर्ण मध्ये ९ क्योरुगी (फाइट ) र ३ स्वर्ण पुम्सेको लागि भएको थियो । प्रमुख अतिथी जिल्ला फुटबल संघ सिन्धुपाल्चोकका नवनिर्वाचित अध्यक्ष अमृतमान श्रेष्ठ, विशेष अतिथी जिल्ला ब्याटमिन्टन संघ सिन्धुपाल्चोकका अध्यक्ष सुबर्ण श्रेष्ठ अतिथिहरुमा सिद्दिगणेश मा. वि. का शिक्षक राजकुमार श्रेष्ठ लगायत अभिभावकहरुको बाक्लो उपस्तिथिमा प्रतियोगिता सम्पन्न भएको छ ।

प्रतियोगितामा जुरिको भुमिकामा तातोपानी तेक्वान्दो डोजाङका प्रमुख अजय गुरुङ, जज जयराम तामाङ , सन्देश खड्का, सुदिप तामाङ र दर्पण श्रेष्ठ रहेका थिए ।

प्रतियोगितामा पुम्सेतर्फ आयुशी श्रेष्ठ, जुना तामाङ र निशान ढुङ्गाना प्रथम, रेगिना गुरुङ, सोफिया श्रेष्ठ र दोर्जे तामाङ द्वितीय र रिया यादव प्रबिन घले र आयन श्रेष्ठ तृतीय भए । क्योरुगी तर्फ पुरुष २२ केजिमा प्रथम आरुस दुलाल, द्वितीय निस्चल दुलाल, पुरुष २४ केजिमा प्रथम अबिनाश कार्की, द्वितीय कुशल ढुङ्गाना, तृतीय शिभान्शु श्रेष्ठ, मोहित घिमिरे, पुरुष २९ केजिमा प्रथम सालिन बि. क., द्वितीय रेहान श्रेष्ठ, तृतीय सुरज सिलवाल , पुरुष ३१ के. जि. मा प्रथम अनमोल कार्की , द्वितीय रुस्तम घिमिरे, पुरुष ३५ के. जि. मा प्रथम मिङमार तामाङ, द्वितीय राजन दुलाल, तृतीय आयुश लामा सुशील चौलागाईं, पुरुष ३९ मा अर्जुन योन्जन, द्वितीय युकेश कटवाल, तृतीय सरोज तामाङ प्रसिन लामा पुरुष ४२ के. जि मा प्रथम सुजन तामाङ , द्वितीय दिशान्त घिमिरे, तृतीय रीजन गौतम, पुरुष ४६ के. जि. मा प्रथम शिखर नारायण श्रेष्ठ , द्वितीय मन्जित तामाङ, तृतीय आरोन श्रेष्ठ भए ।

महिला ३८ के. जि. मा प्रथम रफिका ढुङ्गेल , द्वितीय रोजिना थापा मगर हुन सफल भएको छ । प्रतियोगितामा प्रथम, द्वितीय र तृतीय हुन सफल खेलाडीहरुलाइ मेडल र प्रमाणपत्र वितरण गरिएको थियो । उत्कृष्ट खेलाडीको ट्राफि पुरुष २४ के. जि. मा प्रथम भएको अबिनाश कार्कीले उचालेको थियोे । प्रतियोगिता कार्यक्रम हिराहरि तेक्वान्दो डोजाङका संस्थापक तथा डोजाङ प्रमुख रमेश गुरुङले सन्चालन गरेका थिए ।