मालिकादेवी कपको प्रचारप्रसार तिब्र

सिन्धुपाल्चोकको चौतारा साँगाचोकगढी नगरपालिका ७, मेलचौरमा हुन लागेको दोस्रो मालिकादेवी कप फुटबल प्रतियोगिताको प्रचारप्रसार तिब्र पारिएको छ । विजया दशमी, शुभ दिपावली तथा छठ पर्वको उपलक्ष्यमा आयोजना गर्न लागिएको दोस्रो मालिकादेवी कप सिन्धुपाल्चोक जिल्ला स्तरीय खुला ७ ए साइड फुटबल प्रतियोगिता हुदैछ ।

प्रतियोगिताको लागि आयोजकले जिल्लाका विभिन्न स्थानमा पत्राचार गर्नुका साथै प्रमुख बजारहरुमा ब्यानर टाँग्ने काम तिब्र बनाएको आयोजक संस्थाका अध्यक्ष कृष्णबहादुर श्रेष्ठले बताए ।
असोज २८ गतेबाट दरबारडाँडा खेलमैदानमा हुने प्रतियोगितामा प्रथम हुने टिमले नगद असी हजार रुपैंया सहित ट्रफि, मेडल र प्रमाणपत्र पाउनेछन् । दोस्रो र तेस्रो हुने पनि ट्रफि, मेडल र प्रमाणपत्र सहित नगर पुरस्कार क्रमशः चालीस हजार र बिस हजार रुपैंया नगद पुरस्कार पाउनेछन् ।

खेलमा सहभागी हुनको लागि असोज २६ गतेसम्म टिम दर्ता गरिसक्नुपर्नेछ । खेलमा सहभागी हुन चाहने टिमले टिम दर्ता शूल्क पाचँ हजार तिर्नुपर्ने पनि उनले बताए ।