मालिकादेवी कपको खेल तालिका सार्वजनिक

असोज २८ गतेबाट शुरु हुन लागेको दोस्रो मालिकादेवी कप सिन्धुपाल्चोक जिल्ला स्तरीय ७ ए साइड फुटबल प्रतियोगिताको खेल तालिका सार्वजनिक गरिएको छ । प्रतियोगिताका लागि ३० टिमले टिम दर्ता गरेपछि गोलाप्रथाबाट खेल तालिका निर्माण गरि सार्वजनिक गरिएको हो ।

खेल तालिका अनुसार पहिलो उद्घाटन खेल चौतारा साँगाचोकगढी नगरपालिका ६, पिपलडाडाँ र चौतारा स्पोर्टिङ क्लब जुनियर विच २८ गते विहान ११ बजे दरबारडाडाँ खेल मैदान, मेलचौरमा हुने आयोजक संस्था मेलचौर युवा जागरण समाजका अध्यक्ष कृष्णबहादुर श्रेष्ठले बताए ।

प्रतियोगितामा प्रथम हुने टिमले नगद असी हजार रुपैंया सहित ट्रफि, मेडल र प्रमाणपत्र पाउनेछन् । दोस्रो र तेस्रो हुने पनि ट्रफि, मेडल र प्रमाणपत्र सहित नगर पुरस्कार क्रमशः चालीस हजार र बिस हजार रुपैंया नगद पुरस्कार पाउनेछन् ।