दोस्रो मालिकादेवि कपमा पहिलो दिन तीन खेल सम्पन्न

दोस्रो मालिकादवी कप सिन्धुपाल्चोक जिल्लास्तरीय 7A side खुल्ला फुटबल प्रतियोगितामा पहिलो दिन तिनवटा खेल सम्पन्न भएका छन् । प्रतियोगिताको उद्घाटन खेल चौतारा साँगाचोकगढी नगरपालिका वठा नं ६ र चौतारा स्पोर्टिङ क्लब जुनियरबिच सम्पन्न भएको थियो ।

उद्घाटन खेलको निर्धारित समयमा कुनै पनि टिमले गोल गर्न नसकेपछि खेल टाइब्रेकरमा गएको थियो । टाइब्रेकरमा वडा नं ६ लाई ४-१ गोलले पछाडि पार्दै जुनियरले जितेको थियो । खेलको म्यान अफ द म्याच जुनियरका गोलकिपर विवेक श्रेष्ठ बने ।

दोस्रो खेल लिलफङ घले समाज र रानिटार युवा क्लवबिच भएकोमा लिलफङले रानिटारलाइ १-० गोलअन्तरले स्तब्ध बनायो । लिलफङका गोलकिपर सुशान्त दुलाल म्यान अफ म्याच बने ।

प्रतियोगिताको तेस्रो खेलमा भदौरे गणेश सामाजिक संस्था सानुसिरुवारी विजयी भएको छ । फ्लाइङ नेपाल कुबिण्डेलाई २-० गोफअन्तरले पछाडि पार्दै भदौरे गणेशले अघिल्लो चरणको यात्रा तय गरेको हो । भदौरे गणेशकै सन्दिप थापा खेलको उत्कृष्ट खेलाडी ठहरिए ।

प्रतियोगितामा भोलि ५ खेल हुन्छन् । पहिलो खेल लायन्स क्लव र इर्खु स्पोर्टस क्लवबिच बिहान ७ बजे, माउन्ट एभरेस्ट र सुनौलो विहानीबिच बिहान ९ बजे, अधेँरी युथ क्लव र खत्रीथोक युथ क्लव दिउसो १ बजे, वडा नम्बर ५ र पाथीभरा युथ क्लवबिच दिउसो २:३० बजे र मेलचौर युवा जागरण समाज ए र वडा नम्बर १ दिउसो ४ बजे हुनेछ । प्रतियोगिताको चौतारा साँगाचोक गढी नगरपालिकाका प्रमुख कृष्णप्रसाद सापकोटाले उद्घाटन गरेका थिए ।