सिद्धीगणेशमा जुनियर तेक्वान्दो ग्रेडिङ तथा सम्मान

सिन्धुपाल्चोकको चौतारा साँगाचोकगढी नगरपालिका ७ सानोसिरुवारी स्थित सिद्दिगणेश माध्यमिक विद्यालयमा जुनियर तेक्वान्दो खेलाडीहरुको ग्रेडिङ गरिएको छ ।

सोही अवसरमा दशरथ रंगशाला, काठमाडौंमा गत माघ १३ र १४ गते भएको बागमती प्रदेश स्तरिय तेस्रो जुनियर आमन्त्रण मेयर कप तेक्वान्दो प्रतियोगितामा सिन्धुपाल्चोकको तर्फबाट महिला ४२ के. जि. तौल समुहमा प्रतिनिधित्व गर्दै क्योरुगीमा रजत पद जित्न सफल राफिका ढुङ्गेललाई दुई हजार रुपैयाँ नगद सहित हिराहरी तेक्वान्दो डोजाङ्गले सम्मान गरेको छ ।

नेपाल तेक्वान्दो संघको वार्षिक कार्यक्रम अनुसार हिराहरी तेक्वान्दो डोजाङले सेतो पेटीदेखि रातोपेटी सम्मको ग्रेडिङ लिएको हो । जुनियर ग्रेडिङमा सेतो पेटीका राकेश मगर, पहेँलो पेटीका स्मृति नेपाल र निलो पेटीका अर्जुन योन्जन डबल प्रमोसन हुन सफल भएसंगै अन्य प्रशिक्षार्थी भने उतिर्ण भएका छन ।

ग्रेडिङ परिक्षा डोजाङ्गका सिनियर खेलाडी कालो पेटि दोस्रो डान मेनुका श्रेष्ठले लिएकी हुन् भने राकेश मगरले उत्कृष्ट खेलाडीकोले को ट्रफि जितेको हिराहरी तेक्वान्दो डोजाङका संस्थापक तथा डोजाङ प्रमुख रमेश गुरुङले बताए ।