स्रोतहरू खुलाइएका बाहेक खुल्ला पाना डट कम द्वारा प्रकाशित सम्पूर्ण सामग्रीहरू खुल्ला पाना डट कमका सम्पत्ति हुन् । यसमा प्रकाशित कुनै पनि सामग्रीहरू छापा, विद्युतीय, प्रसारण वा अन्य कुनै पनि माध्यमबाट पुनःप्रकाशन वा प्रसारण गर्नुअघि अनुमति लिनुहुन अनुरोध छ ।
खुल्ला पाना
२०८० बैशाख २, शनिबार (१ महिना अघि)
सिन्धुपाल्चोकको मेलम्चीमा २ लाख पुरस्कार राशिकोजिल्ला स्तरीय खुल्ला पुरुष भलिबल प्रतियोगिता हुने भएको छ । यहि बैशाख २५ गतेबाट मेलम्चीमा हुने प्रतियोगितामा पहिलो हुने टिमले नगद २ लाख, दोस्रो हुनेले १ लाख र तेस्रो हुनेले ७५ हजार रुपैयाँ नगद पुरस्कार सहित ट्रफि, मेडल र प्रमाणपत्र पाउनेछन् ।
प्रतियोगितामा जिल्ला भित्रका खेलाडिहरुले प्रतिस्पर्धा गर्न पाउने आज मेलम्चीमा पत्रकार सम्मेलन गर्दै आयोजक समिति तथा समाजिक अभियान्ता सागर श्रेष्ठले जानकारी दिए । मेलम्ची पुनर्निर्माण तथा संरक्षण समिती र मेलम्ची युवा क्लवको आयोजनामा हुने प्रतियोगिताको प्रायोजन मेलम्चीबाट अमेरिका बसोबास गर्दै आएका राम श्रेष्ठले गरेका हुन् । ब्यक्तिगत लगानीमा सर्वाधिक धनराशिको पुरस्कार सहित खेलाडीलाई खाना र बासको समेत ब्यबस्था आयोजकले नै गर्नेछ ।
यसबर्षबाट सुरु हुने यस प्रतियोगिता आगामि बर्षहरुमा निरन्तरता दिने राम श्रेष्ठले प्रतिबद्धता जनाएको आयोजक समितिका श्रेष्ठले बताए । कोरोना, हेलम्बु मेलम्ची बाढीमा राहत तथा उद्धार तथा मेलम्ची पुर्ननिमार्णमा सहयोग गर्दै आएका श्रेष्ठले खेल क्षेत्रका माध्यमबाट मेलम्ची बन्दै छ भन्ने सन्देश प्रवाहका लागि सहयोग पुग्ने आयोजकले विश्वास ब्यक्त गरेको छ । पत्रकार सम्मेलनमा समाजसेवि प्रकाश सापकोटाले खेलको माध्यमबाट मेलम्चीमा पर्यटक भित्र्याउन तथा पर्यटन प्रर्वधनका लागि भलिवलको आयोजना गर्न लागिएको बताए । यसले गर्दा जिल्लाका खेलाडीहरुमा हौसला मिल्नुका साथै मेलम्चीको प्रचारमा टेवा पुग्ने सापकोटाले बताए ।
0
