मालिकादेवी कप: उपाधिको लागि सुनकोसी र धार्पाको रस्साकस्सि

मेलचौरमा ५ दिनदेखि जारी चौथो मालिकादेवी कपको उपाधिका लागि सुनकोसी युवा क्लब बि र धार्पा युवा क्लबविच अन्तिम खेल हुने भएको छ । प्रथम पुरस्कार १ लाख ५५ हजार ५ सय ५५ रुपैयाँ राशीको चौथो मालिकादेवी कप खुल्ला सेभेन ए साइड फुटबल प्रतियोगिताको फाइनलमा सुनकाेसी युवा क्लब बि र धार्पा युवा क्लबबीच खेल हुने भएको हो ।

शुक्रबार भएको पहिलो सेमिफाइनलमा राई एफसी र सुनकोसी बी बीच भएको खेल निर्धारित समयमा बराबरीमा रसकिएको थियो । ट्राइबेकरमा पुगेकाे खेलमा राई एफसीलाई ३-४ गाेलले हराउँदै सुनकाेसी उपाधि होडका लागि फाइनल प्रवेश गरेको हो ।

त्यस्तै दोस्रो सेमिफाइनलमा चौतारा स्पोर्टिङ क्लब र धार्पा युवा क्लब बीच भयाे । साे खेल पनि निर्धारित समयमा बराबरीमै सकिएपछि भएको ट्राइबेकरमा स्पोर्टिङलाई ३-४ गाेलले हराउँदै धार्पाले फाईनलकाे यात्रा तय गर्याे ।

प्रतियोगिताको फाइनल खेल शनिबार हुनेछ । प्रतियोगिताको विजेताले १ लाख ५५ हजार ५ सय ५५ तथा उपविजेताले ७७ हजार ७ सय ७७ रुपैयाँसहित ट्रफी, मेडल र प्रमाण पत्र पाउने छन् ।