आहा!! कालिञ्चोकको हिउँ (फोटो कथा)

चरिकोट , २३ माघ । 

मौसममा बदलि आउनासाथ दोलखाको कालिञ्चोक हिँउले ढाकिएको छ । कालिञ्चोकसँगै दोलखाको माथिल्लो क्षेत्रमा समेत हिमपात भएको छ ।

आज दिउँसोबाट कालिन्चोक,गौरीशंकर , शैलुङ र जिरीका उच्च स्थानहरुमा हिमपात भएको हो । कालिन्चोकको कुरी, कालिन्चोक मन्दिर आसपास, चेर्दुङडाडा, शैलुङको सय थुम्कासम्म हिउँ परेको स्थानियले बताएका छन् ।

कालिन्चोकको मन्दिर र कुरी क्षेत्रमा हिमपात भएसँगै स्थानियहरु खुसी भएका छन् । हिउँ लक्षित गरेर आन्तरिक पर्यटकहरु ब्यापक आउने भएकाले पनि यहाँ हिउँ पर्नु ब्यवसायीका लागि अत्यन्तै खुसीको कुरा हो ।

दोलखाको कालिञ्चोकसँगै खरिढुङ्गामा समेत हिउँ पर्न थालेको छ । खरिढुङ्गा काठमान्डौ आउने र जाने सडक लामोसाँगु जिरी सडकको बिच भागपनि हो । हिउँ परेसँगै आलु किसानहरु पनि उत्साहित देखिन्छन् ।

कालिन्चोक क्षेत्रमा हिउँ परेसँगै युवायुवतिहरुको भिड लाग्ने गरेको छ । युवायुवतिहरुको बिशेष गन्तब्य कै रुपमा कालिन्चोकलाई लिईने गरेपनि कालिन्चोक मन्दिर दर्शन गर्न आउनेहरुको भिड समेत यहाँ लाग्ने गरेको पाईन्छ ।