पुनर्निर्माणका लागि तातोपानी धारा १५ दिन बन्द रहने

सिन्धुपाल्चोकको अति प्रसिद्ध धार्मिक तथा पर्यटकीय स्थल तातोपानी धारा १५ दिनको लागि दर्शनार्थीका लागि बन्द गरिएको छ ।

शुक्रबार सुचना जारी गर्दै भोटेकोसी गाउँपालिकाले १५ दिनको लागि धारा बन्द भएको जनाएको छ । तातोपानीमा अत्याधुनिक सुविधा सहितको वाथटव सहित दुईवटा ठुला भवन निर्माण हुँदै गरेको गाउँपालिकाका अध्यक्ष पासाङ नुर्वु शेर्पाले बताए ।

धारा पुनर्निर्माणका लागि गाउँपालिकाले ८ करोड रुपैया विनियोजन गरेकामा ५ करोड रुपैयाँ बराबरको काम टेन्डरमार्फत भइरहेको छ ।