जुगलका ९६ बर्षीय वृद्धको जलविरे खोलामा डुबेर मृत्यु

सिन्धुपाल्चोकको जुगल गाउँपालिका १, आहालचौरका ९६ वर्षीया वृद्धको जलविरे खोलामा डुबेर मृत्यु भएको छ । बिहान १० बजे खाना खाएर घरबाट निस्किएका लालबहादुर मगरको शव घरबाट करिब ७ किलोमिटर तल खोलाको ढुङ्गामा च्यापिएको अवस्थामा फेला परेको हो ।

परिवारले खोजतलास गर्ने क्रममा दिउसो करिब २ बजे घरदेखी ५ सय मिटर तल लौरो र चप्पल फेला परेको इलाका प्रहरी कार्यालय , जलविरेका प्रहरी सहायक निरीक्षक ग‍ोपालकुमार श्रेष्ठले बताए ।

प्रहरीका साथै परिवार र स्थानियको सहयोगमा खोजी गर्दै जाँदा बेलुकी ७ बजेतिर घरबाट करीब ७ किलोमिटर तल चौतारा साँगाच‍ोकगढी नगरपालिका २, फलामसाँघु नजिकै नदिमा ढुङ्गामा च्यापीएको अवस्थामा मगरको शव भेटिएको प्रसनी श्रेष्ठले बताए ।