स्रोतहरू खुलाइएका बाहेक खुल्ला पाना डट कम द्वारा प्रकाशित सम्पूर्ण सामग्रीहरू खुल्ला पाना डट कमका सम्पत्ति हुन् । यसमा प्रकाशित कुनै पनि सामग्रीहरू छापा, विद्युतीय, प्रसारण वा अन्य कुनै पनि माध्यमबाट पुनःप्रकाशन वा प्रसारण गर्नुअघि अनुमति लिनुहुन अनुरोध छ ।
खुल्ला पाना
२०८० पौष २७, शुक्रबार (१२ महिना अघि)
दश मिनेटभित्र पैसा ‘डबल’ बनाइदिन्छु भन्दै ७ लाख लिएर फरार भएका सिन्धुपाल्चोक चौताराका एक युवकलाई प्रहरीले नियन्त्रणमा लिएको छ।
चौतारा साँगाचोकगढि नगरपालिका ५ घर भई काठमाडौं महानगरपालिका १५ स्वयम्भू बस्ने २६ वर्षीय कुमार लामालाई प्रहरीले स्वयम्भूबाट नियन्त्रणमा लिएको हो।
गत पुस १६ गते सल्यान छत्रेश्वरी गाउँपालिका ४ घर भई दाङ तुलसीपुर ५ बस्ने सुरेन्द्र वलीसँग दश मिनेट भित्रमा पैसा डबल बनाई दिन्छु भन्दै नक्कली पैसाको भिडियो देखाएर विभिन्न प्रलोभनमा पारी निजसँग रहेको सात लाख लिई लामा फरार भएका थिए।
सोही सूचनाको आधारमा जिल्ला प्रहरी परिसर, काठमाण्डौँबाट खटिएको प्रहरी टोलीले खोजतलास गर्ने क्रममा उनलाई स्वयम्भूबाट पक्राउ गरेको हो। प्रहरीका अनुसार उनको साथबाट ६० हजार नगद र एक थान मोबाइल बरामद भएको छ।
घटनाबारे थप अनुसन्धान भइरहेको जिल्ला प्रहरी परिसर काठमाडौंले जनाएको छ।
0
