खुला प्रतिस्पर्धाबाट १० विद्यालयमा प्रधानाध्यापक छान्दै इन्द्रावती गाउँपालिका

सिन्धुपाल्चोकको इन्द्रावती गाउँपालिकाले खुला प्रतिस्पर्धाबाट विभिन्न १० वटा विद्यालयमा प्रधानाध्यापक छनौट गर्ने भएको छ । शैक्षिक बर्ष २०८० को कक्षा ८ को पालिकास्तरीय परिक्षामा सन्तोषजनक नतिजा नआएका विद्यालयहरुमा प्रधानाध्यापक परिवर्तन गर्नका लागि गाउँपालिकाले निवेदन आह्वान गरेको हो ।

गाउँपालिकाले ईन्द्रावती गाउँपालिकाको सामुदायिक विद्यालयमा प्रधानाध्यापक छनौट तथा नियुक्ती सम्बन्धी कार्यविधि, २०८० वमोजिम सामुदायिक माध्यमिक विद्यालयमा सम्बन्धित विद्यालय भित्रका शिक्षकहरुबाट प्रधानाध्यापक पदमा खुला प्रतिस्पर्धाबाट नियुक्तीको लागि सोहि कार्यविधिको परिच्छेद २ दफा ४ र ६ बमोजिम प्रधानाध्यापक नियुक्तिका लागि सुचना प्रकाशन गरेको हो ।

कार्यविधि बमोजिम योग्यता पुगेका र दरखास्त दिन इच्छुक शिक्षकहरुले सूचना प्रकाशन भएको मितिले १५ दिनभित्र आवश्यक कागजात सहित ईन्द्रावती गाउँपालिकाको कार्यालयमा दरखास्त दिनु पालिकाले अनुरोध गरेको छ ।

सुचना चैत २६ गते प्रकाशन भएको हो ।