यस्तो देखियो आमहड्तालमा चौतारा (फोटो कथा)

२२ माघ, चौतारा ।

नेपाल कम्युनिष्ठ पार्टीको प्रचण्ड माधव समुहले आयोजना गरेको नेपाल बन्दको प्रभाव सिन्धुपाल्चोकमा पनि देखिएको छ ।

सिन्धुपाल्चोकबाट चल्ने छोटो तथा लामो दुरीका यातायातका साधन चलेका छैनन् भने शैक्षीक संस्था समेत बन्द भएका छन् ।

सदरमुकाम चौतारामा नेकपा केन्द्रिय सदस्य कृष्ण प्रसाद सापकोटा (देशबन्धु)को नेतृत्वमा विहान बजार परिक्रमा गर्दै पसलहरु बन्द गराइएको थियो । विद्यालयहरुमा परिक्षा सञ्चालन भए पनि पठनपाठन भने बन्द रहेको छ ।

बाह्रविसे, चौतारा, मेलम्ची लगाएतका मुख्य बजारका सबैजसो पसलहरु बन्द गराएको छ । बजारका तरकारी पसल, औषधी पसल लगाएतका केही पसलहरु खूल्ला रहे पनि अधिकाँश पसल तथा होटलहरु बन्द गरिएको छ ।

यातायातको साधन नचल्दा गन्तव्यमा हिडेका यात्रुहरु आफ्नो गन्तव्यसम्म पुग्न पाएका छैनन् ।