कुञ्चोकको सबै घरमा स्वास्थ सामाग्री

५ जेठ, नवलपुर ।

ईन्द्रावति गाँउपालिका -२, कुञ्चोकको सबै घरमा स्वास्थ्य सामाग्री वितरण गरिएको छ । कोरोना भाईरसबाट लाग्ने कोभिड १९ काे न्यूनिकरण तथा रोकथामका लागि युवाहरूले सहयोग संकलन गरि सो सामाग्री वितरण गरिएको हो ।

सो स्वास्थ्य सामाग्री समाजसेवीहरु माेहन बहादुर गिरी , श्यामशुभम् गिरी, हिरा गिरी, बिष्णुकुमार भारती , रामशरण भारती, रामशरण गिरी, बलराम गिरी, मेख बहादुर गिरी तथा धनपति आचार्यले आर्थिक सहयाेग संकलन गरि वितरण गरेका हुन् । ति सामाग्रीहरु सरस्वती अधिकारी, जीवन भारती , मदनराज गिरी , कृष्ण बहादुर थापा , सुमन भारती र प्रल्हाद गिरी लगायत अन्य युवाहरुकाे सक्रियतामा वडामा रहेका सबै पाँच सय ९१ घरमा नै पुगेर वितरण गरिएको हो ।
समुहले स्थानिय वासिन्दाहरुकाे काे घरदैलाेमा गई १२०० थान साबुन, ६०० थान सेनिटाईजर र १७००० थान माक्स बितरण गरेको अभियान्ता मदनराज गिरिले बताए ।

साथै याे समुहले वडा कार्यालयलाई १००० थान माक्स र छिमेकि वडा, वडा नं -३ मा २००० थान माक्स वडा अध्यक्ष श्री देबप्रसाद बानियाँलाई वडा कार्यालयमा गई हस्तान्तरण समेत गरेकाे छ ।