स्याउले र गिदानेमा स्वास्थ्य शिविर हुने

२८ पुस, चौतारा ।
मद्धत नेपालको सहयोगमा चौतारा साँगाचोकगढी नगरपालिकाको स्याउले र गिदानेमा निःशुल्क स्वास्थ्य शिविर सञ्चालन हुने भएको छ ।

चौतारा साँगाचोकगढी वडा नं. १ स्याउलेमा माघ १ गते र वडा नं. ६ गिदानेमा स्वास्थ्य शिविर सञ्चालन हुने भएको हो ।

स्याउलेमा बिहान १० बजेदेखि दिउसो ४ बजेसम्म र गिदानेमा बिहान ९ बजेदेखि दिउसो ३ बजेसम्म शिविर सञ्चालन हुने नेपाली कांग्रेसका जिल्ला सचिव झलक नेपालले खुल्लापानालाई बताए ।

शिविर सञ्चालन गर्नका लागि स्वास्थ्य सुरक्षाका सम्पूर्ण मापदण्ड पालना गर्नेगरी स्वास्थ्य कार्यालय, सिन्धुपाल्चोकबाट अनुमति लिइसकिएको उनले बताए ।

माक्स, स्यानीटाइजर प्रयोग गरी सामाजिक दूरी कायम हुनेगरि स्वास्थ्य सेवा लिन आउनको लागि उनले सबै स्थानीयलाई आग्रह समेत गरेका छन् ।