स्तनपान सप्ताहमा लायन्सको पोषीलो लिटो

स्तनपान सप्ताहको अवसर पारेर लायन्स क्लब अफ सिन्धु चौतारा सिटीले ६ महिनादेखि २३ महिनासम्मका बालबालीकालाई पोषीलो लिटोको पिठो वितरण गरेको छ ।

आज चौतारा साँगाचोकगढी नगरपालिका ७ का करिब एक सय जना बालबालीकालाई ३० पाकेट लिटो पिठो सहित कचौरा र चम्चा वितरण गरेको हो । बलियो नेपालको प्रायोजनमा ६ महिनादेखि २३ महिना उमेर समुहका शिशुलाई ज्ञान लिटो पिठो वितरण गरिएको हो ।

जन्मेदेखि २ वर्ष उमेरसम्मका बालबालिकाको उचित स्याहार भएमा उनीहरू भविष्यको बलियो शक्ति हुने भएकोले निजी क्षेत्रले पनि यसमा सहकार्य गर्नुपर्छ भन्ने ध्येयका साथ ती सामग्री वितरण गरिएको बलियो गरिएको चौतारा सिटीका अध्यक्ष सन्देश श्रेष्ठले बताए ।

बालबालिकाको क्षेत्रमा गरेको अहिलेको सानो लगानीले भविष्यमा ठुलो प्रतिफल पाउने भएकोले क्लबले गत साताा चौतारा साँगाचोकगढी नगरपालिका ५ मा पनि २५० बालबालीकालाई यस्तै सामग्री वितरण गरेको हो ।