चौतारा अस्पतालमा अस्टमीको दिन ८ जनामा डेङ्गु पुष्टि

सिन्धुपाल्चोकको चौतारा अस्पतालमा दशैंको महाअस्टमीको दिन मात्रै ८ जनामा डेङ्गु संक्रमण पुष्टि भएको छ । शंकास्पद १६ जनाको परिक्षण गर्दा आधा व्यक्तिमा डेङ्गु पुष्टि भएको हो ।

दशैंको विदामा अस्पतालको ओपिडी बन्द रहँदा इमर्जेन्सीमा समेत विरामीको चाप वढेको छ । आज एकै दिन अस्पतालमा ६० जना भन्दा धेरै विरामीले सेवा लिएको अस्पतालका डाक्टर धिरज पौडेलले बताए । दशैंको समयमा सामान्य ज्वरो, डेङ्गुका विरामी सहित विभिन्न दुर्घटनामा परि चोटपटक लागेका विरामीक‍ो चाप वढेको उनले बताए ।

ओपिडिमा आउनुपर्ने बिरामी समेत इमर्जेन्सीमा आँउनुपर्दा विरामीको चाप बढेको हुनसक्ने अस्पतालमा हेल्थ असिस्टेन्ट विजेन्द्र यादवले बताए ।