चौतारा अस्पतालमा फिजियोथेरापि सेवा सुरुवात

चौतारा साँगाचोकगढि नगरपालिकाले जनशक्ति सहयोग गरेपछि चौतारा अस्पतालले फिजियोथेरापी सेवा पुन:सञ्चालनमा ल्याएको छ । गैरसरकारी संस्थाको सहयोगमा सञ्चालन भईरहेको सेवा संस्थाको परियोजना सकिएसँगै रोकिएको सेवा पुनः सुरुवात भएको हो ।

अस्पतालमा वि.सं २०७२ सालदेखी २०७९ पौष सम्म ह्याण्डीक्याफ्ट इन्टरनेशनलको सहयोगमा सो सेवा सञ्चालन गरिएको थियो । जनशक्ति अभावमा रोकिएको सेवा चौतारा साँगाचोकगढी नगरपालिकाले फिजियोथेरापिस्ट र आवश्यक उपकरण उपलब्ध गराएपछि अस्पतालले पुनः सेवा सुचारु गरेको हो ।

शुक्रबार चौतारा साँगाचोकगढी नगरपालिका प्रमुख कृष्णप्रसाद सापकोटाले फिजियोथेरापी सेवाको उद्घाटन गरेका हुन् । नगरप्रमुख सापकोटाले फिजियो थेरापीस्ट र अस्पतालले गुणस्तरीय सेवा दिन अस्पताललाई आग्रह गरे ।