आफैंले काटेको रुखले थिचेर मृत्यु

२७ चैत, चौतारा ।

हलो बनाउन रूख काट्न जाँदा आफूले काटेकै रुखले थिचेर  सिन्धुपाल्चोकको भोटेकोशी गाउँपालिका ५ मा एक जनाको मृत्यु भएको छ ।

मृत्यु हुनेमा सोही स्थानका ६६ वर्षका पेम्बा वाङ्दी तामाङ रहेका छन् । आफैँले काटेको रूख ढल्दा घाँटी र छातीमा च्यापी उनको घटनास्थलमै मृत्यु भएको जिल्ला प्रहरी कार्यालय, सिन्धुपाल्चोकका प्रहरी नायब उपरीक्षक एवं सूचना अधिकारी दक्षकुमार बस्नेतले बताए ।

आइतबार हलो बनाउन घर नजिकै रहेको लाक्पा टुसामा रहेको सेर्पोडाँडा भूमेथान सामुदायिक जङ्गलमा गई कटुसको रूख काट्ने क्रममा सो रूख ढली उनको मृत्यु भएको हो ।