इन्द्रावती र मेलम्चीमा ह्युम पाइप हाल्न शुरु

सिन्धुपाल्चोकको मेलम्ची नगरपालिकाले इन्द्रावती र मेलम्ची खोलामा ह्युम पाइप राखेर अस्थायी पुल निर्माण को काम थालेको छ । खोलाको सतह अपेक्षित रुपमा नघटेपनि चाडपर्व नजिकिएपछि जोखिम मोलेर नै अस्थायी पुल निर्माण थालिएको नगरपालिकाले जनाएको छ ।

गत बर्षको बाढीले पक्कि पुलहरु बगाएपछि हिउँदमा अस्थायी रुपमा खोला वारपार गर्न ह्युम पाइप राखेर पुल निर्माण गरिएको थियो । बर्खा लागेपछि उक्त ह्युमपाइप झिकिए पछि मेलम्ची नगरपालिकाको ७,८ र पाँचपोखरी थाङपाल गाउँपालिकाको नागरीकले सास्ती खेप्दै आएका थिए । अस्थायी पुल निर्माण पछि स्थानीयलाई चाडपर्वको लागि आबश्यक सामाग्रि ढुवानी गर्न तथा मानिसहरुलाई आवत जावत गर्न सहज हुनेछ ।