कृषकलाई उन्नत जातको बाख्रा वितरण

बाख्रामा नश्ल सुधार गरी कृषकको आयआर्जनमा वृद्धि गराउने उद्देश्यले चौतारा साँगाचोकगढी नगरपालिका ७, मेलचौरका २७ जना कृषकलाई बोयर जातको बाख्राको पाठी वितरण गरिएको छ ।

चौतारा साँगाचोकगढी नगरपालिकाको सहयोगमा इच्छेश्वर महिला बहुद्देश्यीय कृषि तथा व्यवसायीक समुहले सो बाख्रा वितरण गरेको हो । नगरपालिकाको ३ लाख रुपैयाँमा जनसहभागिताबाट १ लाख १३ हजार रुपैयाँ थप गरी १५ हजार ३ सय रुपैयाँ दरका २७ वटा बोयर जातको पाठी कृषकलाई वितरण गरिएको कृषक समुहकी अध्यक्ष रञ्जना श्रेष्ठले बताइन् ।

चौतारा साँगाचोकगढी नगरपालिकाका प्रमुख कृष्णप्रसाद सापकोटा र उपप्रमुख सिता थापाको उपस्थितिमा सो बाख्राको पाठी वितरण गरिएको हो ।